Vorstehdeild mun bjóða upp á sýningaþjálfun fyrir komandi sýningu þann 11-12 júní nk.
Boðið verður upp á þrjú skipti
24. maí þriðjudagur kl.20:00 – 21:00
31. maí þriðjudagur kl. 20:00 – 21:00
6.júní – mánudagur kl.20:00 – 21:00
Staðsetning : Víðistaðatúnið í Hafnarfirði, (þar sem sýningin mun fara fram).
Leiðbeinandi er Hilda Friðriksdóttir
Verð per hund er 1.000.- greiðist á staðnum með peningum.
Munið eftir sýningataum, kúkapokum, nammi og hundinum.
Nú er kominn sá tími árs að við hættum að fara upp á heiði að æfa, rjúpan er farin að para sig og undirbúa varp og öll viljum við að það takist sem best svo nóg verði af fugli í haust. Þannig að nú snúum við okkur að sækiæfingum og vatnavinnu,(þegar hitastigið hækkar aðeins) og almennum hlýðni æfingum. Einnig er vert að minnast á að nú fara rollur með lömb á heiðarnar og geta verið á ólíklegustu stöðum, lítið gat á girðingu getur verið nóg til að fé sleppi út. Við viljum góðfúslega benda ykkur á að fara varlega því hundur sem fer í fé getur lent í verulegum vandræðum.
Til stendur ef næg þátttaka fæst að halda prófstjóranámskeið og hvetjum við alla sem hafa áhuga á að taka þátt í starfi deildanna að kynna sér hlutverk prófstjórans.Áætlað er að námskeiðið sé ein kvöldstund þar sem farið verður yfir skyldur og hlutverk prófstjórans.Leiðbeinendur verða veiðiprófsdómararnir Svafar Ragnarsson, Pétur Alan Guðmundsson og Einar Örn Rafnsson.Námskeiðið er þátttakendum að kostnaðarlausu og hvetjum við alla sem hafa áhuga á að taka þátt að senda póst á póstfangið vorsteh@vorsteh.is. Námskeiðið verður haldið í Sólheimakoti en tímasetning verður auglýst síðar.
Í dag var lokadagur í prófi Norðanhunda og þá var komið að keppnisflokk. Þrjú sæti náðust í dag og áttu Enskir Setar daginn. 1. sæti Steinahlíðar Atlas, eigandi Hallur Lund. 2. sæti Rjúpnasels Orka, eigandi Eyþór Þórðarson og 3. sæti Rjúpnabrekku Miro eigandi Kristinn Einarsson. Dómarar dagsins voru Einar Örn Rafnsson og Kjartan Lindböl.
Óskum Norðanhundum til hamingju með glæsilegt próf. En þetta var síðasta próf vorsins og nú snúum við okkur að sækiprófum, en fyrsta sækipróf sumarsins verður 25 – 26 júní á vegum Vorstehdeildar.
Öðrum degi í prófi Norðandhunda laug í gær, laugardaginn 30.apríl. Einkunnir dagsis vor þær að unghundurinn Ice Artemis Aríel fékk 2. einkunn og besti unghundurinn og besti unghundir prófins í heild. Eignadi Aríel er Arnar M. Ellertsson og óskum þeim kærlega til hamingju með frábæran árangur.
Í opnum flokk komu fjórar einkunnir í hús. Enski Pointerinn Vatnsenda Karma fékk 1. einkunn og besti hundur dagsins, eignadi Haukur Reynisson. Enski Setterinn Kalbaks Orka fékk 3. einkunn, eignadi Eyþór Þórðarson, Ensku Setarnir Steinahlíðar Blökk eignadi Páll Kristjánsson og Rjúpnabrekku Toro eignadi Kristinn Einarsson fengu bæði 2. einkunn. Kalda Karra styttan fyrir besta samanlagað áranangur fengu Enski Setinn Steinahlíðar Atlas og Hallur Lund.
Það var fjörugur dagur norðan heiða í dag. Sex einkunnir komu í hús.
Í unghundaflokki gerðu stýhærðu Vorsteh systkynin það gott, en Ice Atemis Askur , leiðandi Andreas Blensner og Ice Artemis Aríel leiðandi Arnar Már Ellertsson fengu bæði 2. einkunn og Aríel best hundur dagsins í unghundaflokki. Í opnum flokki fengur Bylur, Orka og Blökk 2. einkunn og Steinahlíðar Atlas fékk 1. einkunn og því besti hundur prófs í opnum flokki. Þess má geta að Atlas var með 11 standa í dag.
Til stendur ef næg þátttaka fæst að bjóða upp á hundaþjálfaranám með Matthias Westerlund frá Hundaskólanum Vision í Svíþjóð. Námið er um 60 klukkustundir ásamt heimaverkefnum. Fyrri hlutinn væri 3 dagar í október nk. og síðan tveir dagar í febrúar 2023. Þess á milli vinna þátttakendur verkefni. Námskeiði er bæði bóklegt og verklegt. Gerð er krafa að þátttakendur hafi reynslu af þjálfun og veiðum með standandi fuglahunda og að hafa tekið þátt í prófum. Fjöldi nemenda í hóp er 6 -10 manns. Gert er ráð fyrir að kostnaðurinn á hvern þátttakenda verði í kringum 85.000.- Námskeiðið fer fram á ensku. Að námskeiðnu loknu eiga þátttakendur að vera í stakk búnir til að halda námskeið fyrir byrjendur með standandi fuglahunda og lengra komna. Þeir sem áhuga hafa á að taka þátt eða hafa einhverjar spurningar eru vinsamlega beðnir um að senda póst á vorsteh@vorsteh.is fyrir 10. maí nk.
Áhugasamnir eru hvattir til að kynna sér skólann m.a. á Face Book er hann undir nafninu
Hundskolan Vision og heimasíða skólans er https://www.hundskolanvision.se
Nú um helgina fer fram veiðipróf Norðanhunda. Um er að ræða 3 daga próf þar sem prófað verður í unghunda- og opnum flokk á föstudag og laugardag og síðan er keppnislokkur á sunnudag. Dómarar í pórfinu eru Kjartan Lindböl og Einar Kaldi Örn Rafnsson sem er einnig fulltrúi HRFÍ. Prófstjórar eru Dagfinnur Smái og Hrannar Gylfason. Prófsvæðið er í Reykjadalnum á Mývatnsheiði. En þátttankendur halda til á Narfastöðum. Fulltrúar Vorsteh í þessu prófi eru Veiðimela Frosti, Veiðimela Orri og Ísþoku Tangó sem taka þátt í opnum flokki. Í unghundaflokki eru Ice Artemis Askur, Ice Artemis Skuggi, Ice Artemis Aríel og Veiðimela Tikka. Áfram Vorsteh og njóið helgarinnar.
Heiðapróf FHD fór fram í dag, dómari var Svafar Ragnarsson og prófstjóri Alti Ómarsson. Prófsvæðið var Heiðarbæjarbakkarnir og fengu þátttakendur milt og gott veður með hægum andvara. Töluvert var af fugli og áttu allir hundar möguleik á fugli í dag. Fjórar einkunnir komu í hús. Besti hundur prófs með 2. einkunn var snögghærður Vorsteh, Veiðimela Orri, eignadi og leiðandi Pétur Alan Guðmundsson. Þrír hundar fengu síðan 3. einkunn, Kaldbaks Orka og Eyþór Þórðarson Black Diamond og Ásgeir Heiðar og Vatnsenda Aron og Gunnar Örn Haraldsson
Við viljum bjóða nýliðum með unghunda (2 ára og yngri) velkomna í nýliðspjall í Sólheimakoti næstkomandi fimmtudag 21. apríl (Sumardaginn fyrsta) klukkan 10:00.
Okkur langar að heyra í nýliðum innan deildarinnar, kynna starfið og spjalla hvernig við getum unnið saman á næstu misserum, hvað ykkur finnst áhugavert og hvað myndi gagnast ykkur.
Við viljum leggja áherslu á að það eru ALLIR nýliðar velkomnir óháð því hvort fólk hafi reynslu af hundum eða veiðum yfir höfuð og ekki gerð krafa um að hundurinn sé með. Það eina sem þarf er að hafa áhuga á að vinna með hundinum sínum og/eða hitta aðra sem eru í svipaðri stöðu og spjalla yfir kaffibolla
Vonumst til að sjá sem flesta og leiðbeiningar hvernig á að komast í Sólheimakot má finna í tenglinum hér að neðan.
