Belcando próf Vorstehdeildar var haldið helgina 6-8 april 2018 síðastliðinn.
Góð skráning var í prófið og voru Keppnisflokkarnir sérstaklega veglegir. Dómarar voru Rune Nedrebö, Kjell Otto Hansen og Guðjón Arinbjörnsson. Guðjón var fulltrúi HRFI og Guðni Stefánsson var prófstjóri. Einar Örn gékk með dómurum í UF/OF sem dómaranemi. Á föstudeginum var prófið sett undir Helgafelli í Mosfellsbæ á Þingvallavegi. Ekki var hitastigið kræsilegt með allri vindkælingunni, trúlega nálægt alkuli. Ákveðið var að Opinn og Unghundaflokkur yrðu keyrðir saman í blönduðu partýi og farið yrði upp á Heiðarbæjarbakka. Þegar þangað var komið var allt annað veður, sól, andvari og blíða sem hélst svo alla helgina.
Níu hundar hófu daginn, 3 unghundar og 6 í opnum flokk. Kjell og Rune dæmdu hópinn saman.
Góð stemning var í hópnum og gaman að sjá flotta hunda í góðu veðri gera það sem þeir gera best.
Úrslitin eftir daginn voru:
Unghundaflokkur
Rypleja’s Klaki, Breton, leiðandi Dagfinnur Ómarsson 3.einkunn
Vatnsenda Aron, Enskur pointer, leiðandi Gunnar Örn Haraldsson 3.einkunn.
Opinn flokkur
Rjúpnabrekku Toro, Enskur setter, leiðandi Kristinn Einarsson 2.einkunn
Veiðimela Yrja, Snögghærður Vorsteh, leiðandi Óskar Hafsteinn Halldórsson, 2.einkunn
Veiðimela Jökull, Snögghærður Vorsteh, leiðandi Friðrik G. Friðriksson, 3.einkunn
Sika ze Strazistských lesu, Pudelpointer, leiðandi Atli Ómarsson, 3.einkunn
Á laugardeginum voru allir flokkar keyrðir, Unghunda og Opinn flokkur í blönduðu og svo Keppnisflokkur.
Kjell Otto dæmdi blandaða hópinn en Rune Nedrebo og Guðjón dæmdu saman Keppnisflokkinn.
Allir fóru upp á Heiðabæjarbakka, UF/OF fóru austanmegin en KF voru vestar. Aftur var frábært veður, en ef það ætti að kvarta yfir einhverju þá var andvarinn ansi hægur á köflum 😉
Nítján hundar hófu daginn 😊 3 unghundar, fjórir í opnum flokki og tólf í keppnisflokki 😊
Úrslitin eftir daginn:
Unghundaflokkur
Vatnsenda Karma, Enskur pointer, leiðandi Haukur Reynisson, 1.einkunn
Opinn flokkur
Veiðimela Jökull, Snögghærður Vorsteh, leiðandi Friðrik G. Friðriksson 2.einkunn
Rjúpnabrekku Black, Enskur setter, leiðandi Einar Guðnason, 2.einkunn
Keppnisflokkur
1.sæti, Bendishunda Saga – Þoka, Snögghærður Vorsteh, leiðandi Guðmundur Pétursson
2.sæti, Munkefjellets Mjöll, Strýhærður Vorsteh, leiðandi Lárus Eggertsson
3.sæti, Karacanis Harpa, Enskur pointer, leiðandi Ásgeir Heiðar
Á sunnudeginum var Keppnisflokkur sem Rune Nedrebo og Kjell Otto Hansen dæmdu.
Það var ákveðið að fara upp á Heiðabæjarbakka aftur, og vera meira austanmeginn þar sem UF/OF höfðu vaðið í fugli daginn áður. Örlítið meiri gola en hina dagana en sama sólin og fína veðrið.
Möguleiki var á fugli í öllum sleppum.
Tíu hundar hófu daginn.
Úrslit voru:
Keppnisflokkur
1.sæti, Munkefjellets Mjöll, Strýhærður Vorsteh, leiðandi Lárus Eggertsson
2.sæti, Ice Artemis Mjölnir, Strýhærður Vorsteh, leiðandi Lárus Eggertsson
3.sæti, Gg Sef, Strýhærður Vorsteh, leiðandi Guðni Stefánsson
4.sæti, Fóellu Kolka, Breton, leiðandi Dagfinnur Ómarsson
5.sæti, Heiðnabergs Gleipnir von Greif, Snögghærður Vorsteh, leiðandi Jón Svan Grétarsson
Strýhærðir í þrem efstu sætunum 😊
Við óskum öllum einkunnar og sætishöfum innilega til hamingju með árangurinn um helgina, vel gert !
Níu einkunnir eða sæti til Vorstehhunda 🙂
Þess má geta að þetta próf fer í sögubækurnar fyrir að sami leiðandi sé með hunda í fyrsta og öðru sæti í keppnisflokk og óskum við Lárusi til hamingju með það 😊
Það er sárasjaldgæft 🙂 og gerðist síðast gerðist fyrir 17 árum síðan þegar Ásgeir Heiðar lék þennan leik.
Rune og Kjell ákváðu að gefa norskan trébolla, fallegt handverk, til þess hunds sem næði flestum fuglavinnum yfir helgina. Það varð Munkefellets Mjöll sem náði flestum fuglavinnum eða 6 og hlaut bollan, til hamingju með það Lalli 😊
Við viljum svo að lokum þakka dómurum, prófstjóra, fulltrúa HRFI og síðast en ekki síst keppendum fyrir frábæra helgi og góða skapið. Þetta verður ekki mikið betra þegar veðurguðirnir eru líka í góðu skapi.
Styrktaraðilar deildarinnar fá allir ómældar þakkir, en í þessu prófi fóru fremstir Belcando og Famous Grouse ásamt Ljósasmiðjunni.
Síðast en alls ekki síst viljum við þakka Díönu Sigurfinnsdóttur fyrir alla hjálpina, ómetanlegt ! 😊
og Sigrúnu og Atla fyrir lýsinguna frá UF/OF á laugardeginum, en hún er í fréttaveitu Facebooksíðu deildarinnar ásamt myndum 😊
Vorstehdeild HRFI.
Dagur 1, myndir af einkunnarhöfum
Dagur 2, myndir af einkunnar og sætishöfum
Dagur 3, myndir af sætishöfum
