Eins og fram kom í fyrri tilkynningu þurfti að fresta Sportsman’s Pride prófinu um eina viku vegna veðurtengdra aðstæðna, sem er ekki óska staða.
Vegna þessa verður opnað fyrir breytingar á skráningum til miðnættis sunnudaginn 22. mars 2026. Það felur í sér:
• Þeir sem ekki geta mætt geta sent tölvupóst á hrfi@hrfi.is, með afriti á vorsteh@vorsteh.is, og fengið endurgreitt.
• Þeir sem vilja skrá sig í prófið en voru ekki þegar skráðir geta sent inn skráningu ásamt viðeigandi upplýsingum (samkvæmt upphaflegri auglýsingu prófsins) og staðfestingu á greiðslu á sömu netföng.
• Þeir sem þurfa að færa sig á milli daga geta sent tölvupóst á sömu netföng og óskað eftir tilfærslu.
Ef einhverjar spurningar vakna er hægt að hafa samband með því að senda tölvupóst á vorsteh@vorsteh.is.
Birt íForsíðufrétt|Slökkt á athugasemdum við Skráningar eða afskráningar – vegna frestunar á veiðiprófi Vorstehdeildar um eina viku.
Vegna óviðráðanlegra aðstæðna hefur stjórn Vorstehdeildar ákveðið að fresta Sportsman’s Pride veiðiprófi deildarinnar um eina viku. Prófið fer því fram dagana 28.–30. mars.
Vegna veðurs hefur Icelandair fellt niður allt flug og kemst dómari prófsins því ekki til landsins. Icelandair getur eingöngu boðið flug á laugardag í gegnum París, sem gengur illa upp.
Til viðbótar bendir veðurspá til versnandi aðstæðna á prófdögum, en spáð er 14–21 m/s vindi á mánudag, sem líklega hefði leitt til aflýsingar þann dag. Einnig er spáð mikilli snjókomu fram á laugardagsmorgun og talsverðum vindi, auk þess sem vindur yfir 10 m/s er í spá fyrir sunnudag.
Birt íForsíðufrétt|Slökkt á athugasemdum við Frestun á veiðiprófi Vorstehdeildar um eina viku!
Góð skráning er í prófið okkar sem er mikið gleðiefni: – 11 hundar á laugardag (2 í UF og 9 í OF). – 12 hundar á sunnudag (3 í UF og 9 í OF). – 7 hundar í KF á mánudag.
Ráslistar eru í meðfylgjandi myndum, en röðun var gerð með hjálp gervigreindar (ChatGPT) .
Prófin verða sett laugardag og sunnudag í Sólheimakoti kl. 9:00 og þeim slitið þar að loknu prófi.
Keppnisflokk áætlum við að setja kl. 12 á mánudag og líklega á þeim stað þar sem prófið verður, en við ætlum að skoða nánar veðurspár og gefa út nánari upplýsingar um það.
Við hvetjum alla aðila sem hafa áhuga á að kynna sér veiðipróf að koma og ganga með í prófinu.
Ef þið hafið athugasemdir eða óskir, vinsamlegast hafið samband við prófstjóra (Jón Valdimarsson) eða sendið tölvupóst á netfang Vorstehdeildar (vorsteh@vorsteh.is).
Við vonumst eftir góðu veðri, nægum fugli og góðri stemningu. Umfram allt óskum við þátttakendum velfarnaðar og góðs árangurs!
Birt íForsíðufrétt|Slökkt á athugasemdum við Rásröð í Sportsmans Pride – Veiðipróf Vorstehdeildar 21. til 23. mars 2026 – Prófnr. : 502602
Veitt verða verðlaun fyrir besta hund í UF og OF hvorn prófdag og svo verða veitt verðlaun í KF fyrir 1. sæti. Í KF geta dómarar veitt Meistarastig telji þeir hund hafa unnið til þess.
Skráning í prófið: Skráning getur farið fram með tölvupósti eða beint í gegnum skrifstofu HRFÍ. Hægt að millifæra á HRFI á reikning 515-26-707729 Kennitala: 680481-0249 og setja nafn hunds og prófnúmer 502602 í skýringu á færslunni ásamt því að senda afrit af greiðslu á hrfi@hrfi.is og vorsteh@vorsteh.is, eða að skrá síg á skrifstofu HRFÍ eða símleiðis í 588 5255 þar sem greitt er með því að gefa upp kortanúmer.
Veiðipróf . 1 dagur- 8.000 kr. Veiðipróf 2ja daga – 11.900 kr. Veiðipróf 3ja daga – 15.900 kr.
Við skráningu þarf að koma fram:
-Nafn eiganda -Nafn hunds -Ættbókarnúmer -Nafn leiðanda -Hvað flokk er skráð í -Hvaða daga -Prófnúmer 502602
Sækibráð eða vottorð: Sækibráð: Þátttakendur mæti sjálfir með Rjúpu, fuglinn skal vera heill og ferskur, frystur, þiðinn, eða þurrkaður og skal viðurkenndur af dómara.
Sækivottorð: Samþykkt sókn á prófi fyrir standandi fuglahunda þar sem einkunn eða umsögn staðfestir að hundurinn hafi útfært viðurkennda sókn og náð minnst 7 stigum í frjálsri leit á sækiprófi eða alhliðaprófi í OF/UF
Viðurkenning á sækibráð í KF: Þátttakandi er ábyrgur fyrir að taka með sér eigin sækibráð sem skal samþykkt af dómara (ekki hægt að nota sækivottorð í KF).
Prófstjóri áskilur sér rétt til breytinga ef þörf er á vegna skráningar og fjölda hunda.
Vinsamlega athugið að síðasti skráningardagur í prófið er á miðnætti sunnudaginn 15. Mars 2026.
Birt íForsíðufrétt|Slökkt á athugasemdum við Sportsmans Pride – Veiðipróf Vorstehdeildar 21 til 23. mars
Arkenstone Með Allt á Hreinu – (Erró) og Ice Artemis Aríel Aríel og Erró voru jöfn að stigum – 17 stig.
Stigahæsti hundur í Keppnisflokki
Heiðnabergs Milla – 6 stig.
Stigahæsti hundur í Opnum flokk
Arkenstone Með Allt á Hreinu – (Erró) og Ice Artemis Aríel Aríel og Erró voru jöfn að stigum – 17 stig.
Stigahæstu hundar í Unghundaflokki
Garun Vom Haus Jevtić – 6 stig
Athugið! Við í stjórn gerðum okkar besta í að taka þetta saman og reikna en það er þó alltaf möguleiki á yfirsjón við samantekt sem þessa og gerð útreikninga. Ef svo er sendið ábendingu á vorsteh@vorsteh.is svo hægt sé að skoða það og leiðrétta.
Birt íForsíðufrétt|Slökkt á athugasemdum við Stigahæstu hundar Vorstehdeildar ársins 2025
Ársfundur Vorstehdeildar verður haldinn 24. febrúar 2026 í sal HRFÍ að Melabraut 17 kl. 18:00
Dagskrá: 1. Kosning fundarstjóra og ritara 2. Skýrsla stjórnar og ársreikningur 3. Kosning til stjórnar, samkvæmt reglum HRFÍ: Laus eru 2 eða 4 sæti eftir því hvort á fundinum er kosin 3 eða 5 manna stjórn 4. Heiðrun stigahæstu hunda 5. Önnur mál
Við minnum á breyttar reglur um kosningarrétt og kjörgengi sem tók gildi í fyrra en „Kosningarrétt og kjörgengi á ársfundum deilda hafa þeir sem eru skráðir eigendur hunda í deildinni og eru með greitt félagsgjald.„.
Hlökkum til að sjá sem flesta.
Kveðja Stjórn Vorstehdeildar
Birt íForsíðufrétt|Slökkt á athugasemdum við Ársfundur Vorstehdeildar
Góð skráning er í prófið okkar sem er mikið gleðiefni: 12 hundar á föstudegi og laugardegi (4 unghundarflokki og 8 í opnum flokki). Svo eru 8 hundar í keppnis flokki á sunnudegi.
Prófin verða sett alla daga í Sólheimakoti kl. 9:00 og þeim slitið þar að loknu prófi hvers dags. Skipt verður í tvo hópa, unghundahóp og svo Opin flokks hóp, og munu dómarar skipta um hóp milli daga.
Þátttöku- og ráslistar eru í meðfylgjandi myndum, en röðun var gerð með hjálp gervigreindar (ChatGPT) sem sjá má í myndböndum á facebook síðu deildarinnar.
Ef þið hafið athugasemdir eða óskir, vinsamlegast hafið samband við prófstjóra (Jón Valdimarsson) eða sendið tölvupóst á netfang Vorstehdeildar (vorsteh@vorsteh.is).
Við vonumst eftir góðu veðri, nægum fugli og góðri stemningu. Umfram allt óskum við þátttakendum velfarnaðar og góðs árangurs!
Föstudagur
Laugardagur
Á sunnudag verður svo keppnisflokkur en rásröð er dregin á prófstað.
Birt íForsíðufrétt|Slökkt á athugasemdum við *** Rásröð og þátttökulisti í Sportsmans Pride – Veiðipróf Vorstehdeildar 10. til 12. október 2025 – Prófnr. : 502511 ***
Aðalstyrktaraðilar prófsins eru: – Sportsman´s Pride – Dýrakofin www.dyrakofinn.is – Óstöðvandi (Non-stop dogwear) – www.ostodvandi.is – Vikingknives (Lasermerkingar á ýmsa hluti o.fl)
Seinasti skráningardagurinn er: Mánudagurinn 6. október 2024 (Miðnætti)
Prófsetning verður í Sólheimakoti alla daganna kl 09:00 og prófsvæðið er nágrenni höfuðborgarsvæðisins.
Dómarar verða: Alexander Kristiansen Kjartan Lindböl
Fulltrúi HRFÍ: Guðjón Arinbjarnarson
Prófstjóri: Jón Valdimarsson
Dagskrá: Föstudagur – 10. október – Unghundaflokkur – Opinn flokkur Laugardagur – 11. október – Unghundaflokkur – Opinn flokkur Sunnudagur – 12. október – Keppnisflokkur
Veitt verða verðlaun fyrir besta hund í UF og OF hvorn prófdag og svo verða veitt verðlaun í KF fyrir 1. sæti. Í KF geta dómarar veitt Meistarastig telji þeir hund hafa unnið til þess.
Skráning í prófið: Skráning fer fram á Skrifstofu HRFÍ, með tölvupósti á HRFÍ eða símleiðis í 588 5255 þar sem greitt er með því að gefa upp kortanúmer. Einnig er hægt að millifæra á HRFI á reikning 515-26-707729 Kennitala: 680481-0249 og setja nafn hunds og prófnúmer 502511 í skýringu á færslunni ásamt því að senda afrit af greiðslu á hrfi@hrfi.is og vorsteh@vorsteh.is – Veiðipróf 1 dagur – 8.000 kr. – Veiðipróf 2ja daga – 11.900 kr. – Veiðipróf 3ja daga – 15.900 kr.
Við skráningu þarf að koma fram: – Nafn eiganda – Nafn hunds – Ættbókarnúmer – Nafn leiðanda – Hvað flokk er skráð í – Hvaða daga – Prófnúmer 502511
Réttur til þátttöku í KF: Hundar sem hafa náð 1.einkunn í OF (norskum eða sænskum reglum) eða sæti í KF þetta árið eða síðustu 2 ár, hafa rétt á þátttöku í keppnisflokki.
Sækibráð eða vottorð: Sækibráð: Þáttakendur mæti sjálfir með Rjúpu, fuglinn skal vera heill og ferskur, frystur, þiðinn, eða þurrkaður og skal viðurkenndur af dómara. Bráð til sóknar í opnum og keppnisflokki þurfa þátttakendur að útvega sjálfir. Sækivottorð: Samþykkt sókn á prófi fyrir standandi fuglahunda þar sem einkunn eða umsögn staðfestir að hundurinn hafi útfært viðurkennda sókn og náð minnst 7 stigum í frjálsri leit á sækiprófi eða alhliðaprófi í OF/UF (ekki hægt að nota sækivottorð í KF).
Vinsamlega athugið að síðasti skráningardagur í prófið er á miðnætti mánudaginn 6. október.
Birt íForsíðufrétt|Slökkt á athugasemdum við *** Sportsmans Pride – Veiðipróf Vorstehdeildar 10 til 12 október 2025 – Prófnr. : 502511 ***
