Í dag kvaddi Veiðimela Karri þennan heim eftir veikindi   Karri var orðinn veiðimeistari og vann sér einmitt inn seinna meistarastigið sitt á haustprófi Vorstehdeildar nú fyrr í haust.
Við vottum Pétri Alan samúð okkar á erfiðum tímum.

Gaman að segja frá því að íslenskur hundur Ice Artemis Freyja er í Strýhærða Vorsteh liðinu í NM Lavland um næstu helgi.
Lárus Eggertsson ræktaði  Freyju undan Yrju og Krageborg Mads.
Við sendum góða strauma í strýhærða liðið og höldum með okkar íslensku hundum
Smellið á myndina…

Bendispróf Vorstehdeildar var haldið 5-7 oktober 2018.
Frábær skráning var í prófið eða 62 skráningar.
Dómarar voru Per Olai Stömner og Glenn Olsen ásamt Guðjóni Arinbjarnar og svo Pétri Alan sem leysti Guðjón af á síðasta degi í UF/OF.
Prórstjóri var Gunnar Pétur Róbertsson og fulltrúi HRFÍ Guðjón Arinbjörnsson.

Á föstudeginum var prófið sett í Sólheimakoti í fínu veðri og farið annarsvegar upp á „Skotsvæði Gumma Bogg“ og hinn hópurinn fór að Lyklafelli.
Úrslit dagsins:
Í Keppnisflokki fékk einn hundur sæti, og það var
Veiðimela Jökull (Snögghærður Vorsteh) leiðandi Friðrik G Friðriksson, sem landaði 1. sætinu
Opinn flokkur:
Bylur ( Breton ) leiðandi Stefán K. Guðjónsson 3. einkunn.
Vatnsenda Aron (Enskur pointer) leiðandi Gunnar Örn Haraldsson 2. einkunn.
og síðast en ekki síst
Rjúpnasels Rán (Enskur setter ) leiðandi Eyþór Þórðarson  1.einkunn.
Engin hundur í UF náði einkunn en allir hundar fengu fína umsögn.

Á laugardeginum var spáin þannig að upp úr kl 14 kæmi éljabakki inn yfir land og myndi hvessa með því. Þessvegna var ákveðið að setja prófið kl 9 á afleggjaranum að Skálafelli og reyna svo að nýta tímann sem best framan af degi.
Veðrið spilaði svo stóra rullu í UF/OF, en uppúr kl 13 skall á mikil hríð en þá hafði KF nýlokið keppni.
Úrslit dagsins:
Í Keppnisflokki náði 1 hundur sæti og var það
Veiðimela Karri (Snögghærður Vorsteh) leiðandi Pétur Alan Guðmundsson,  sem hreppti 1.sætið með meistarastigi 
Við óskum Pétri Alan innilega til hamingju með árangurinn.
Engin einkunn kom í UF eða OF, en allir hundar áttu möguleika á fugli, en hann var styggur og erfiður í veðrinu.

Á sunnudeginumi vaknaði fólk upp í logni og fínu veðri. Prófið var sett í Sólheimakoti og farið á heiðina. KF fór upp á stóra bílaplan og gékk uppfyrir pípu, en UF/OF fóru á Gumma Bogg.
Úrslit dagsins:
Í Keppnisflokki náði einn hundur sæti.
Bendishunda Saga – Þoka (Snögghærður Vorsteh) leiðandi Guðmundur Pétursson varð í 1.sæti.
Dómarar í KF í dag voru Per Olai Stömner og Glenn Olsen.
Opinn flokkur:
Rjúpnasels Rán (ES) leiðandi Eyþór Þórðarson 1.einkunn …. aftur !!
Unghundaflokkur:
Fjallatinda Ýrr (Snögghærður Vorsteh) leiðandi Ólafur Erling Ólafsson 3.einkunn
Fjallatinda Daniela Darz Bór (Snögghærður Vorsteh) leiðandi Ívar Erlendsson 3.einkunn.
Rypleja´s Klaki (Breton) leiðandi Dagfinnur Ómarsson 2.einkunn
Fóellu Aska (Breton) leiðandi Helgi Jóhannesson 2.einkunn
Pétur Alan stökk til og leysti Guðjón Arinbjarnar af í dómgæslu í UF/OF þegar Guðjón reif vöðva í æsingnum  
Þökkum Pétri fyrir það og óskum öllum einkunnar og sætishöfum til hamingju með árangurinn.

Rjúpnasels Rán var svo besti hundur samanlagt í OF/UF yfir helgina  Glæsilegur árangur !!

Við viljum þakka dómurunum Glenn Olsen og Per Olai Stömner, Guðjóni og Pétri fyrir helgina og einnig prófstjóra Gunnari Pétri og fulltrúa HRFÍ Guðjóni.
Diana okkar Sigurfinnsdóttir fær einnig kærar þakkir fyrir hjálpina
Sérstakar þakkir fá styrktaraðilar prófsins Bendir, sérverslun með hundavörur, Famous Grouse og Ljósasmiðjan … það væri nánast ómögulegt að gera þetta án þeirra.
Vorstehdeild þakkar fyrir sig og gaman að sjá svona marga í prófinu

Hér eru nokkrar myndir af sætis og einkunnarhöfum:
 
Og hér eru nokkrar myndir af heiðinni:

ATH ! Bendisprófið verður sett kl 9 á laugardaginn við Skálafells afleggjarann.

Bendispróf Vorstehdeildar verður haldið  dagana 5-7 okt, eða næstu 3 daga.
Prófið verður sett alla dagana kl 9 í Sólheimakoti, nema annað verði auglýst hér á Vorsteh.is
Hundar í Keppnisflokki og Opnum flokki skaffa sjálfir rjúpu til prófs.
62 skráningar eru í prófið !! og er þáttökulistinn HÉR 
Dómarakynningin er HÉR
Sjáumst öll hress í kotinu og eigum góða daga saman

Föstudagur:
Unghundaflokkur:
Rypleija´s Klaki
Fjellamellas AC Nordan Garri
Fjallatinda Daniela Darz Bór
Sangbergets Jökulheima Laki
Fóellu Snotra

Opinn flokkur:
Vatnsenda Aron
Bylur
Húsavíkur Fönn
Rjúpnasels Rán

Keppnisflokkur:
Veiðimela Jökull
Ice Artemis Mjölnir
Munkefjellets Mjöll
Bendishunda Saga – Þoka
Rjúpnabrekku Black
Fjallatinda Alfa
Veiðimela Karri

Laugardagur:
Unghundaflokkur:
Fjallatinda Ýrr
Rypleja´s Klaki
Fjallatinda Ego
Fjellamellas AC Nordan Garri
Fjallatinda Daniela Darz Bór
Fóellu Aska
Sangbergets Jökulheima Laki
Fóellu Snotra

Opinn flokkur:
Vatnsenda Aron
Bylur
Veiðimela Yrja
Húsavíkur Fönn
Vatnsenda Karma
Vatnsenda Bjartur

Keppnisflokkur:
Veiðimela Jökull
Ice Artemis Mjölnir
Munkefjellets Mjöll
Midtvejs Assa
Rjúpnabrekku Black
Fjallatinda Alfa
Heiðnabergs Bylur von Greif
Veiðimela Karri
Gg Sef
Rjúpnabrekku Toro

Sunnudagur:
Unghundaflokkur:
Fjallatinda Ýrr
Rypleja´s Klaki
Fjallatinda Egó
Fjellamellas AC Nordan Garri
Fjallatinda Daniela Darz Bór
Fóellu Aska
Fóellu Snotra

Opinn flokkur:
Vatnsenda Aron
Bylur
Rjúpnasels Rán
Vatnsenda Karma
Vatnsenda Bjartur

Keppnisflokkur:
Veiðimela Jökull
Ice Artemis Mjölnir
Munkefjellets Mjöll
Midtvejs Assa
Karacanis Harpa
Bendishunda Saga – Þoka
Rjúpnabrekku Black
Fjallatinda Alfa
Gg Sef
Rjúpnabrekkur Toro

Eins og fram hefur komið dæma Per Olai Stömner og Glenn Olsen Bendisprófið ásamt Guðjóni Arinbjarnar.

Per Olai er búinn að dæma í rúm 20 ár eða frá 1995.
Hann hefur átt 5 kynslóir af snögghærðum Vorsteh og síðustu 3 eru allir veiðimeistarar.
Þessir 3 hafa náð allavega 30 sinnum fyrsta sæti í Keppnisflokk.
Per hefur verið viðriðinn veiðar frá æsku, skaut sína fyrstu rjúpu 13 ára gamall og veitt síðan þá.

Glenn Olsen:
I have judging water/tracks trials for 25 year and field trial for 15 years.
I have hunted about 35 years.
My age is 51, 2 children.
I have no dogs at time but I had 10 vortsther 2 English setters.
Winner at the Norwegian field trail 2 times in forest and a lot of field trails prises in all trails.

Guðjón Arinbjörnsson er maður sem allir þekkja, okkar reynslumesti dómari.

Nú líður að árlegu Bendisprófi Vorstehdeildar. Prófið verður haldið dagana 5-7 Oktober.
Dómarar verða Glenn Lorentzen Olsen, Per Olai Stömner og Guðjón Arinbjarnar.
Prófsstjóri er Gunnar Pétur Róbertsson.
Alla 3 dagana verða UF/OF og Keppnisflokkur.  Á föstudeginum dæmir Per Olai OF/UF en Glenn og Guðjón Keppnisflokk. Á laugardag dæmir Glenn OF/UF en Per Olai og Guðjón Keppnisflokk. Svo á sunnudag dæmir Guðjón OF/UF og Glenn og Per Olai Keppnisflokk.
Prófið verður sett í Sólheimakoti og verða prófsvæðin á SV horninu.
Hvetjum alla til að vera með og skrá sem fyrst.
Hægt er að skrá í prófið þar til á þriðjudaginn 2.10 til 23:59
Nánari dómarakynning kemur næstu daga.

Hægt er að hringja í HRFI í síma 588 5255 og gefa upp kortanúmer og upplýsingar.
Upplýsingar sem þarf að hafa við höndina er: Prófsnúmerið, sem er 501813, Nafn eiganda, nafn hunds, ættbókanúmer hunds, og nafn leiðanda. Annars getur skrifstofan líklega hjálpað til við að finna út úr ættbókarnúmerinu ef það er ekki klárt.
Einnig er hægt að senda póst á hrfi@hrfi.is og  láta þessar upplýsingar þar inn og millifæra svo á félagið á reikning 515-26-707729 Kennitala: 680481-0249 og setja nafn hunds og prófsnúmer í skýringu á færslunni ásamt að senda afrit á hrfi@hrfi.is
Gjaldskráin er hér undir  „Veiði og vinnupróf“

Í Keppnisflokki á fyrri degi Royal Canin prófs FHD varð í fyrsta sæti  C.I.B. ISCh RW-17 Veiðimela Jökull og í öðru sæti varð ISShCh Ice Artemis Mjölnir.
Glæsilegt hjá okkar mönnum
Dómarar voru Mads Hanssen og Guðjón Arinbjörnsson
Á seinni degi prófsins sérist röðunin við og ISShCh Ice Artemis Mjölnir hafði betur og varð í fyrsta sæti en C.I.B. ISCh RW-17 Veiðimela Jökull varð í öðru. Fjórir hundar fengu sæti seinni daginn. 
Dómarar seinni daginn voru Christian Sletbakk og Guðjón Arinbjörnsson
Veiðimela Jökull var svo valinn besti hundur í KF samanlagt yfir helgina og fékk verðlaun kennd við Áfangafell
Glæsilegur árangur, hjartanlega til hamingju með árangurinn Friðrik og Lárus

Stjórn þykir rétt að halda deildarmeðlimum og félagsmönnum upplýstum um vinnu sem fer fram án þess að mikið beri á.
Í ágúst er sent á deildirnar í Tegundarhóp 7 eftirfarandi bréf :

„Sælar ágætu deildir í tegundarhópi 7,

Stjórn félagsins samþykkti nú í ágúst reglur um menntun fuglahundadómara og hafa reglurnar verið birtar á vefnum. Þær má nálgast hér: http://www.hrfi.is/uploads/2/2/3/3/22333014/reglur_um_menntun_fuglahundad%C3%B3mara_%C3%A1g%C3%BAst_2018.pdf

Í reglunum kemur eftirfarandi fram um dómaranefnd;

Dómaranefnd annast skipulag, undirbúning og menntun dómara samkvæmt reglum þessum.  Í dómaranefnd sitja þrír fulltrúar, þar af tveir tilnefndir af dómararáði og einn af stjórn HRFÍ að fengnum tillögum deilda í tegundahópi 7.  Fulltrúar dómaranefndar skulu vera dómaramenntaðir og hafa langa og víðtæka reynslu af dómgæslu.

Ég vildi því kalla eftir tillögum ykkar um fulltrúa þann sem tilnefndur verður af stjórn HRFÍ í Dómaranefnd og óska ég eftir ykkar tillögum sem allra fyrst.

Með kveðju, Guðný“

Þarna eiga deildirnar kost á því að tilnefna einn fulltrúa af þrem sem kæmi inn í Dómaranefnd. Gott mál, enda eitthvað sem var horft til þegar umræddar reglur voru lagðar fyrir fulltrúa deildanna til yfirlestrar og álitsgjafar. Samanber þennan póst þegar blásið var til þeirrar vinnu:

„Sæl,

 Til samræmis við ákvörðun stjórnar Hrfí hef ég sem fulltrúi stjórnar og Svafar Ragnarsson, veiðiprófsdómara skoðað reglur um nám veiðiprófsdómara í TH 7 og höfum við sameiginlega unnið að tillögum um breytingar á reglunum.  Þær tillögur hefur Svafar kynnt á fundi með dómararáði en sem næsta skref langar okkur að kynna tillögurnar fyrir fulltrúum stjórna deildanna áður en lengra er haldið.  

 Við óskum eftir að deildir tilnefni hver einn fulltrúa til að funda með okkur á skrifstofu félagsins,  fimmtudaginn, 11. janúar n.k. kl. 18. Þess er óskað að staðfest verði nafn fulltrúa og um mætingu á fundinn eigi síðar en 8. janúar.

 Séu einhverjar frekari upplýsingar ekki hika við að hafa samband.

 Með góðri kveðju og óskum um gleðilega hátíð,

Herdís Hallmarsdóttir, formaður.“

En aftur að tilnefningunni.
Vorstehdeild, FHD og DESI fóru saman yfir málið og var niðurstaðan sú að tilnefna Gunnar Gundersen. Vorstehdeild sendi póst þess efnis að við tilnefndum Gunnar og Bergþór Antonsson til vara:

„Sæl Guðný,
stjórnin er búin að funda og við leggjum til eftirfarandi:

Stjórn Vorstehdeildar leggur til að stjórn HRFI tilnefni Gunnar Gundersen sem fulltrúa dómaranefndar, enda með mjög langa og víðtæka reynslu af dómgæslu.
Til vara Bergþór Antonsson.
—
Kær kveðja 
Stjórn Vorstehdeildar“

og FHD sendi svo einnig póst fyrir hönd okkar allra sem við birtum hér:

„Sæl Guðný 

Stjórn FHD leggur til að Gunnar Gundersen hann hefur langa og víðtæka reynslu sem dómari bæði í Noregi og á Íslandi. Hann hefur reynslu bæði af heiða- og sækiprófum auk þess að hafa verið leiðbeinandi dómaranema í áraraðir.  .Hann er virkur veiðimaður, kennari og dómari, hefur tekið þátt í mörgum veiðiprófum í gegum árin og náð frábærum árangri. Gunnar hefur verið formaður NPK og NVK. Hann var sæmdur gullmerki norska vorsteh klúbbsins.

Ég var í sambandi við formenn Vorsteh deildar og Ensk setter um helgina og voru deildirnar sammála um að mæla með Gunnar Gundersen og Bergþóri Antonsyni til vara.

Vinamlegast staðfestið móttöku.

Bestu kveðjur
Haukur Reynisson“

Svona á þetta að vera !
Allir að vinna saman.
Sumsé kallað eftir fulltrúa frá deildum til að ræða og leggja blessun yfir nýjar dómaranámsreglur. Svo er farið eftir reglunum og kallað eftir tillögum frá deildunum í Tegundarhóp 7 um fulltrúa HRFÍ í Dómaranefnd, enda verið að mennta dómara fyrir deildirnar í tegundarhópnum og ekki óeðlilegt að þær hafi eitthvað með það að gera hverjir hafi umsjón með menntun þeirra dómara.
Nú svo vinna deildirnar saman, ræða málin og komast að sameiginlegri niðurstöðu um sín mál og senda inn til stjórnar þær tillögur. Vel gert !

En svo kemur niðurstaðan. Niðurstaða sem er alveg í stíl við annað undanfarin ár:

„Ágætu deildir,

Við þökkum tilnefningar þær sem bárust um mögulega nefndarmenn í nefnd þá sem mun sjá um dómaranám í TH7.  Eins og fram hefur komið var leitað til NKK og í framhaldi Fuglehundklubbenes Forbund og biðlað til þeirra um samstarf og aðstoð við uppbyggingu námsins hér á landi.  FKF svaraði því til að þau væru mjög jákvæð fyrir áframhaldandi góðu samstarfi við kollega sína í TH7 hér á landi og töldu sig geta aðstoðað bæði við innihald námsins sem og praktískar hliðar þess.  Því tækifæri tökum við að sjálfsögðu fagnandi. Í bréfi þeirra var þess jafnframt getið að mjög reyndur dómari Andreas Bjørn sem mörg ykkar þekkja væri tilbúinn að taka sæti í nefndinni og að þeim þætti skynsamlegt að einungis einn aðili þeirra megin væri tengiliður NKK við íslenska námið. Andreas var einnig einn af þeim sem tilnefndur í þeim tilnefningum sem bárust frá deildum.  Samstarf við FKF og NKK þýðir að nýjir möguleikar opnast fyrir íslenska dómaranema, til dæmis verður hægt að skipta upp náminu í sæki eða vettvangsvinnu sé áhugi fyrir því en ekki skylda að takast á við hvortveggja í einu eins og áður einnig opnast sá möguleiki leita til FKF til að fá norska dómara sem leiðbeinendur.  Það eru því spennandi tímar framundan og ekki ástæða til annars en að hlakka til samstarfsins við FKF og NKK.
Eftirtaldir aðilar voru skipaðir í nefndina á fundi stjórnar þriðjudaginn : frá stjórn HRFÍ: Andreas Bjørn (FKF, NKK). Frá dómararáði: Svafar Ragnarsson og Egill Bergmann.

Ef þið hafið spurningar um ofangreint ekki hika við að hafa samband.

Með kveðju, Guðný“

Alveg með ævintýralegum ólíkindum. Enn og aftur eru deildirnar dregnar á asnaeyrunum. Látnar leggja í vinnu við að koma að regluverki. Velja sinn fulltrúa … sem er reyndar fulltrúi stjórnar … sem ætti auðvitað að fara eftir vilja deildanna sem málið varðar, og svo er það allt blásið út af borðinu, lýðræðinu og samvinnu deilda með, og leikritið fullkomnað með því að segja okkur hvernig þetta átti allan tíman að vera og niðurstöðunni troðið ofan í kokið á okkur.

Þetta snýst ekkert um Andreas … þetta snýst um réttlæti og vinnubrögð. Það er auðvelt að lesa í hvernig þetta kom til ef menn vilja fara þangað, en við látum þetta gott heita hér.

Stjórn.

PS:
Það er nú rétt að setja hér inn skjáskot af tveim póstum sem sýna enn betur fram á fáránleika málsins.
Það var sumsé 19 júní sem þeir norsku sendu bréf til HRFI, augljóslega með vitneskju um vilja einhverra frá Íslandi.
Þetta bréf, alveg óvart, barst ekki til stjórna deilda Grúbbu 7.  !!!
Svo þann 8. ágúst , einum og hálfum mánuði síðar, kemur þessi póstur frá HRFÍ þar sem deildirnar eru beðnar að tilnefna fulltrúa !

Þá var stjórn HRFI og Dómararáð búin að ákveða hvort eð er hvern ætti að taka þarna inn, og sú vinna sem fór fram þar á eftir algerlega tilgangslaus og mikið leikrit.
Svo er reynt að klóra yfir allt með þeirri útskýringu að ef HRFI hefðu ekki samþykkt þennan aðila að þá hefðu NKU og FKF tekið því þannig að HRFI vildi ekki samstarfið sem HRFI var að biðja um ?!?!
Það hefði auðvitað verið auðveldast í heimi að segja þeim norsku hvernig reglurnar um þetta á Íslandi eru,  og biðja þá um að hinkra aðeins við þangað til tilnefningarnar hafa skilað sér í hús.