Skráning hafin í vorprófið

IMG_2176

Skráning er nú hafin í Vorpróf Vorstehdeildar.
Glæsilegt próf í uppsiglingu dagana 6-8 apríl.
Dómarar verða Rune Nedrebo og Kjell Otto Hansen frá Noregi sem koma og dæma með Guðjóni Arinbjarnar.
Boðið verður upp á UF og OF á föstudeginum þar sem Rune dæmir UF og Kjell OF.
Á laugardeginum verður blandað partý UF/OF sem Kjell dæmir, og einnig KF sem Rune og Guðjón dæma.
Á sunnudeginum verður blandað partý UF/OF sem Guðjón dæmir og einnig KF sem Kjell og Rune dæma.
Einar Örn hefur fengið leyfi til að ganga með sem dómaranemi í OF á föstudeginum og UF/OF á laugardeginum.
Prófstjóri er Guðni Stefánsson.
Prófið verður sett í Sólheimakoti og svo verða prófsvæðin á SV horninu, þar sem er fullt af fugli 😉
Hvetjum alla til að vera með og skrá sem fyrst, en skráningarfrestur er framlengdur til miðnættis 3.april vegna mistaka á skrifstofu og páskanna.

Hægt er að hringja í HRFI í síma 588 5255 og gefa upp kortanúmer og upplýsingar.
Upplýsingar sem þarf að hafa við höndina er: Prófsnúmerið, sem er 501804, Nafn eiganda, nafn hunds, ættbókanúmer hunds, og nafn leiðanda. Annars getur skrifstofan líklega hjálpað til við að finna út úr ættbókarnúmerinu ef það er ekki klárt.
Einnig er hægt að senda póst á hrfi@hrfi.is og  láta þessar upplýsingar þar inn og millifæra svo á félagið á reikning 515-26-707729 Kennitala: 680481-0249 og setja nafn hunds og prófsnúmer í skýringu á færslunni ásamt að senda afrit á hrfi@hrfi.is
Gjaldskráin er hér undir  „Veiði og vinnupróf“ 

Sjáumst í góða skapinu 🙂

Birt í Forsíðufrétt | Slökkt á athugasemdum við Skráning hafin í vorprófið

Ársfundur

Stigahæstu
Ársfundur Vorstehdeildar var haldinn 19. mars.
2 sæti í stjórn voru laus og buðu þeir Guðni Stefánsson og Guðmundur Pétursson sig fram til endurkjörs og engin mótframboð voru.
Á fundinum voru stigahæstu hundar ársins heiðraðir. Heiðnabergs Gleipnir von Greif, eigandi Jón Svan Grétarsson sigruðu í KF, og
Veiðimela Jökull og Friðrik Friðriksson sigruðu svo bæði í OF og Over All. Til hamingju með árangurinn 🙂
Meðfylgjandi mynd er af Friðrik eiganda Jökuls, og svo tók Sigurður við verðlaununum hans Jóns Svan þar sem hann var fjarverandi.
Ársskýrslan er komin hér inn undir „Deildin“ og fundargerð ársfundar er á leiðinni.
-Uppfært-
Fundargerð ársfundar er komin inn. Árskýrslan var einnig uppfærð þar sem kom í ljós að Veiðimela Jökull og Veiðimela Krafla höfðu einnig hlotið alþjóðlega titilinn C.I.B. á árinu og lágu mistökin í því að skrifstofunni hafði yfirsést að setja afrit af því í hólfið okkar hjá Vorstehdeild. Þetta er komið á hreint og er nú rétt í Árskýrslu formanns.

Birt í Forsíðufrétt | Slökkt á athugasemdum við Ársfundur

Ellapróf FHD

Ellapróf 2018 JG  Ellapróf 2018 hópur
Fyrsta heiðapróf ársins 2018 var haldið 10.mars af FHD. Ellaprófið er haldið til minningar um Erlend Jónsson fuglahundadómara og hlýtur besti hundur  í OF Ellastyttuna, eða „Náttúrubarnið“.
Dómarar voru Pétur Alan Guðmundsson og Svafar Ragnarsson, og prófstjóri Þorsteinn Friðriksson.
Tveir hundar fengu einkunn. Vorstehhundurinn Heiðnabergs Bylur von Greif fékk 1.einkunn í OF og bretoninn Fóellu Kolka fékk 2. einkunn í OF.
Jón Garðar og Bylur fá því Náttúrubarnið til varðveislu í eitt ár, vel gert !! Frábær byrjun á árinu hjá Vorsteh !
Við óskum Jóni Garðari og Byl innilega til hamingju og einnig Dagfinni og Kolku 🙂
Myndina tók Þorsteinn Friðriksson og þökkum við fyrir hana.

Birt í Forsíðufrétt | Slökkt á athugasemdum við Ellapróf FHD

Stutt Dómarakynning fyrir vorpróf Vorstehdeildar.

Rune Nedrebö
Ég heiti Rune Nedrebö er 46 ára og hef veitt síðan ég var 11 ára.
Er með eigin rekstur. Ég keypti fyrsta snögghærða Vorsteh hundinn minn 2002, og síðan þá hef þjálfað og leitt 8 snögghærða til 1 verðlaun í opnum flokki,  þar á meðal
veiðimeistaran NJCH Årdalen’s Revolution sem upphafið á ræktuninni Tveragga.
Ég hef dæmt í fimm ár.  Dæmt norska derbýið, semifinal og einnig norska meistaramótið.

Rune Nedrebo

Kjell Otto Hansen
Hi, my name is Kjell Otto Hansen, married and have one son. Turning 60 later this test.
Working as a leading operator for Hydro Aluminium in Sunndalsøra.
I’v been hunting with dogs since early 80’s, mainly with gordon and english setters. Have been a judge since 96. Have been lucky to judge the finals in the Norwegian Championship twice. Have two english setters, one 3 years old who was in the norwegian derby final in 2016. I’v also have a 9 month old who is looking very promesing.
Looking forward to judge your dogs
Kjell Otto
Guðjón Arinbjörnsson
Þekkja allir, skotheldur 😉
Gauji
Birt í Forsíðufrétt | Slökkt á athugasemdum við Stutt Dómarakynning fyrir vorpróf Vorstehdeildar.

Aðalfundur Vorstehdeildar 2018

Vorstehdeild heldur aðalfund 19.mars kl 20 á skrifstofu HRFÍ að Síðumúla 15.

Dagskrá fundarins er eftirfarandi:
Hefðbundin aðalfundarstörf.
Kosning í stjórn (2 laus sæti til tveggja ára).
Heiðrun stigahæstu hunda.
Reglur stigakeppninar 2018 kynntar.
Önnur mál.

Birt í Forsíðufrétt | Slökkt á athugasemdum við Aðalfundur Vorstehdeildar 2018

Norðurljósasýning HRFÍ úrslit

.facebook_1520265354217 Gáta Hera og Mjölnir
Um helgina var haldin Norðurljósasýning HRFÍ og gerðu Vorstehhundar gott mót þar.

Snögghærður:
Hvolpar voru sýndir á föstudeginum og var útkoman úr því frábær, allir fengu þeir heiðursverðlaun:
Hvolpaflokkur 4-6 mán – rakkar
Röðin er þessi,
Fjallatinda Hugo
Fjallatinda Freyr
Fjallatinda Stormur
Hvolpaflokkur 4-6 mán – tíkur
Fjallatinda Ýrr
Fjallatinda Daniella
Ýrr besti hvolpurinn og fór áfram í úrslit, en fékk ekki sæti þar.

Ungliðaflokkur rakkar
Rugdelias OKE Tiur  Excelent 1.sæti ungliðaflokki ,Besti rakki, BOB, ungliðameistarastig og íslenskt meistarastig, besti rakki og hundur tegundar.
Sångbergets Jökulheima Laki,  Excelent 2.sæti í ungliðaflokki.
Meistaraflokkur
Veiðimela Jökull, Excelent, CK, 1.sæti meistaraflokki, CACIB, 2. besti rakki.

Tíkur
Vinnuhundaflokkur
Heiðnabergs Gáta von Greif  Excelent, íslenskt meistarastig, CACIB, Besta tík, BOS.

Tiur sem er ungliði, varð besti hundur tegundar, ótrúlegur árangur, fór þá áfram bæði í úrslitin um besta ungliða sýningar og einnig  um besta hund í Tegundarhóp 7.  Hann fékk ekki sæti þar, en engu að síður mjög flottur árangur hjá svona ungum hundi. Til hamingju Gréta og Kjartan 🙂
Gáta náði að verða fullcertuð fyrir Íslenska og Alþjóðlega meistaratitilinn og fær þær nafnbætur þegar HRFI og FCI eru búin að afgreiða umsóknirnar, en fyrir er Gáta veiðimeistari 🙂 Vel gert og til hamingju Jón Hákon 🙂

Strýhærður:

Vinnuhundaflokkur
Rakkar
Ice Artemis Mjölnir, Excelent, íslenskt meistarastig, CACIB, Besti rakki og BOS
GGsef, Excelent, meistara efni, V-CACIB

Tíkur
Vinnuhundaflokkur
Munkefjellets Mjöll, Excelent, íslenskt meistarastig, V-CACIB

Meistaraflokkur
Ice Artemis Hera, Exelent, íslenskt meistarastig, CACIB, BOB, besta tík og besti hundur tegundar.
Hera fór svo í úrslit í Tegundarhóp 7 og náði þar 4.sæti !!  Glæsilegt og til hamingju Sigurður Arnet Vilhjálmsson 🙂
Flottur árangur hjá þeim strýhærðu 🙂

Við óskum öllum innilega til hamingju með árangurinn, vel gert 🙂

Birt með fyrirvara um villur ..

 

Birt í Forsíðufrétt | Slökkt á athugasemdum við Norðurljósasýning HRFÍ úrslit

Endurskoðun Veiðiprófsreglna

Vorsteh 1
Í ár fer fram endurskoðun Veiðiprófsreglna.  Félagsmenn geta sent inn tillögur og ábendingar á póstfangið endursk.veidiprofsreglna.2018@gmail.com  fyrir 1. mars 2018.

Endurskoðunarnefnd veiðiprófa.

 

Birt í Forsíðufrétt | Slökkt á athugasemdum við Endurskoðun Veiðiprófsreglna

Dagskrá Veiðiprófa 2018

Þetta ættu að vera endanlegar dagsetningar fyrir 2018.
PS. Uppfærsla frá FHD og Vorstehdeild og IRSK er í skjalinu.

Veiðipróf tumbnail 2018

Birt í Forsíðufrétt | Slökkt á athugasemdum við Dagskrá Veiðiprófa 2018

Stigakeppni, reglur 2018

ATH. Þessar reglur tóku smávægilegum breytingum á Ársfundi deildarinnar og samþykktar þannig. Þær eru réttar undir „Deildin/Stigakeppni“


 

Hér eru reglurnar sem keppt verður eftir í Stigakeppni Vorstehdeildar 2018, með þeim fyrirvara að einhverjar breytingatillögur verði ekki samþykktar á aðalfundi.

Stigakeppni Vorstehdeildar á árinu 2018

 

Eftir árið eru stigahæstu hundar í Keppnisflokk, Opnum flokk og Unghundaflokk heiðraðir, einnig er stigahæsti hundur „Over All“ heiðraður.

 

Af gefnu tilefni er það að sjálfsögðu þannig að til að fá skráð stig í t.d. OF stigakeppninni þarf að taka þátt í OF og fá stigin þar.

Eins er það þannig að til að taka þátt, og fá skráð stig í KF stigakeppninni verður að taka þátt í KF og fá stigin þar.

Eins er það þannig að til að taka þátt, og fá skráð stig í UF stigakeppninni verður að taka þátt í UF og fá stigin þar.

 

Ef ekki er tekið þátt, eða skorað, í neinum heiðarprófum/veiðiprófum/sækiprófum þá er hægt að fá skráð sýningarstigin í keppnina með eftirfarandi hætti.
(ATH. Stigagjöfin er samkvæmt Stigatöflu Vorstehdeildar)

Hundur sem er sýndur í UF og fær Excelent fær stigið sitt skráð í UF stigakeppnina. Hundur sem er sýndur í OF, og fær Excelent,  fær stigið sitt skráð í OF stigakeppnina.

Hundar sem sýndir eru í  Vinnu/veiðihundaflokki, öldung, meistara, fá stigið sitt skráð í þá flokka stigakeppninar sem þeir hafa skorað í á heiðinni í veiðiprófi, en að hámarki 2 flokka.
Ef hundur tekur þátt í þrem flokkum (hefur skorað stig í þrem flokkum, þ.e. UF, OF og KF) þá getur hann valið í hvaða tveim stigakeppnum sýningarstigið er sett inn.

A.T.H. Hundar sem taka  þátt í UF, OF og KF taka með sér sýningarstig í að hámarki tvo flokka samanber hér að ofan.

Eins er það með sækiprófin, stig sem fengin eru þar telja í einhverjum tveim stigakeppnum sem tekið er þátt í ( UF, OF eða KF ) samanber sýningarstig.

Hundur sem tekur einungis þátt í sækiprófum fá stigin sín skráð í þá keppni sem sækiprófsflokkurinn segir til um. Þ.e. ef hundur er í UF flokki í sækiprófi fara stigin í UF Stigakeppnina og ef hann er að sama skapi í OF á sækiprófi fara stigin í OF stigakeppnina.

Sem dæmi: Hundur sem tekur þátt í OF á sýningu/sækiprófi og keppir í KF á heiðaprófi tekur sýningarstigið/sækiprófsstigið sitt með sér í KF stigakeppnina. Hann getur svo tekið þátt í OF í öðru prófi og tekið sama sýningarstigið/sækiprófsstigið sitt með sér í OF stigakeppnina.

En það er ekki allt búið … þetta sýningarstig/sækiprófsstig gæti þá talið „tvöfalt“ í OA stigakepninni, þar sem allir flokkar sem hundurinn hefur tekið þátt í eru lagðir saman.

 

Til að útskýra stigahæsta hund OA þá gæti það til dæmis verið hundur sem byrjar í UF, færist svo upp í OF á miðju ári og endar kannski í KF, fær stig í öllum flokkum sem leggjast saman, en þá telja sýningarstig/sækiprófsstig að hámarki tvisvar, samaber hér að ofan.

Stigin þurfa ekki að koma úr mörgum flokkum, því hundur í KF gæti hæglega verið með flestu stigin OA úr þeim eina flokki.

 

Þetta er kannski augljóst, en rétt að hafa þetta á blaði sem nákvæmast. Ef álitamál koma upp á miðju tímabili úrskurðar stjórn.

 

Ef tveir eða fleiri eru jafnir að stigum eftir árið í UF stigakeppni eru þeir báðir viðurkenndir sem stigahæsti hundur í UF 1-2….eða 1-3 … eða … 1-4

Sama með OF, KF og OA.

 

Munum að þetta er gert til gamans og til þess að skapa skemmtilega stemmningu í kring um þetta frábæra sport og fá fólk og hunda til að taka þátt í veiðiprófum, sækiprófum og sýningum 🙂

Birt í Forsíðufrétt | Slökkt á athugasemdum við Stigakeppni, reglur 2018

Veiðipróf 2018 – Dagskrá

Stjórn HRFí var að samþykkja veiðiprófadagskrá fyrir árið 2018 sem má sjá hér að neðan.
Þetta er vinnuplagg, en ætti að halda að mestu. Nú er bara að haka við í dagatalið og taka frá helgarnar og vera með 🙂
Veiðipróf 2018 logo

Birt í Forsíðufrétt | Slökkt á athugasemdum við Veiðipróf 2018 – Dagskrá