Næstkomandi sunnudag verður FHD með opið hús í Sólheimakoti.
Húsið opnar klukkan 10:00. Prófstjóri Royal Canins prófsins á staðnum og svarar spurningum.
Eftir lauflétt spjall og kaffibolla verður farið í heiðina til æfinga.
Allit hjartanlega velkomnir
Æfingaganga fimmtudaginn 11.september.
Hittumst við afleggjarann að Sólheimakoti kl.18:00.
Geir Stenmark
Geir býr í Harstad í Noregi og starfar með fólki sem á við félagsleg vandamál að stríða. Hann er mikill veiðimaður. Hann fékk sinn fyrsta fuglahund 1985 og hefur alveg síðan þá stundað veiðipróf. Áður fyrr var hann með írska seta og pointera. Nú er hann með tvo enska seta og tvo gordon seta ásamt konu sinni Kari. Kari er einnig virk í veiðiprófum og hefur m.a. átt Vorsteh og Pointer. Geir fékk dómaraskírteinið sitt árið 2009 og hefur dæmt reglulega síðan þá.
Edvard Lillegård
Edvard býr í Mo i Rana í Noregi og starfar sem framhaldsskólakennari. Hann er mikill veiðimaður. Hann fékk sinn fyrsta fuglahund árið 1972, Pointer. Í seinni tíð hefur hann verið með enska seta. Hann fékk dómararskírteinið sitt árið 2002 og dæmdi sitt fyrsta próf 2002 á Kongsvold. Hann er virkur í veiðiprófum bæði sem dómari og þátttakandi. Í dag á hann tvo hunda NJCH Ørnevatnes Wilja og fimm mánaða afkvæmi undan henni.
Edvard hefur heyrt góða hluti um Ísland og hlakkar mikið til að koma að dæma.
Arko ásamt sýnanda sínum Theodóru Róbertsdóttur.
Vorseh hundarnir stóðu sig vel um helgina og voru í 1 og 2 sæti í tegundahóp 7 sem er ótrúlega góður árangur.
Ice Artemis Úranus / Arko – Excelent 1 sæti , ck cc cacib og BoB og 1.sæti í tegundahóp 7
Bendishunda Moli – Excelent 1 sæti m.efni BOB og 2 sæti í tegundahóp 7
Royal Canin próf FHD verður haldið dagana 19. – 21. September. Prófið er haldið að venju á Auðkúluheiði og verður gist í Áfangafellsskálanum. Norðmennirnir Geir Stenmark og Edvard Lillegård dæma prófið .
Dagskrá.
19. sept. verða Unghundaflokkur (hundar að 2ja ára aldri) og Opinn flokkur (Hundar eldri en 2ja ára).
20. sept. verða Unghundaflokkur (hundar að 2ja ára aldri) og Opinn flokkur (Hunda eldri en 2ja ára).
21. sept. verður keppt í Keppnisflokki (þeir hundar sem náð hafa 1. einkunn í OF).
Prófsetning er við Áfangafellsskálann kl. 09:00 dagana 19. og 20. sept. en kl. 10:00 21. sept.
Veitt verða verðlaun fyrir besta hund í unghunda- og opnum flokki báða dagana og að auki verðlauna fyrir sæti í keppnisflokki.
FHD heldur veiðipróf nk. laugardag 6.september.
Þátttökulisti er eftirfarandi:
Unghundaflokkur
Breton Fóellu Kolka
Breton Fóellu Ari
Pointer Karacanis Harpa
Vorsteh Bendishunda Jarl
Opinn flokkur
Pointer Vatnsenda Kjarval
Pointer Vatnsenda Kara
Breton Ismenningens B-Billi
Breton Midtvejs Assa
Prófið verður sett stundvíslega kl. 9.00 í sólheimakoti. Settur dómari á prófið boðaði forföll af óviðráðanlegum ástæðum og mun Svafar Ragnarsson dæma báða flokka. Prófstjóri er Jón Ásgeir Einarsson og veitir nánari upplýsingar um prófið í síma 694 5441. Að sjálfsögðu er öllum áhugasömum heimilt að ganga með í prófinu og fylgjast með framvindu prófsins.
Helgina 6. – 7. september mæta 695 hreinræktaðir hundar af 80 hundategundum í dóm á alþjóðlegri hundasýningu Hundaræktarfélags Íslands. Sýningin er haldin í reiðhöllinni í Víðidal og hefjast dómar kl. 10:00 árdegis báða dagana.
Tegundahópur 7 er á laugardeginum strax um morguninn.
Á afmælishátíð HRFI fimmtudagskvöldið 4.sept nk verður boðið uppá fjölbreytta fyrirlestra í veislusalnum í Víðidal (annari hæð). Fyrirlestrarnir eru opnir öllum meðan húsrúm leyfir, aðgangur er ókeypis.
Kl.17.30 Monika Karlsdóttir – PAT hvolpatest
Kl.18.00 Sigríður Bílddal – Hvernig nýtist skapgerðamat í ræktun
Kl.18.30 Nanna Lovísa Zophoniasdóttir – Hundanudd
Kl.19.00 Herdís Hallmarsdóttir – Hlutverk sýningadómara
Kl.19.30 Lísa Bjarnadóttir dýralæknir, sníkjudýr í/á hundum. Ticks og fl.
Kl.20.00 Saija Juutilainen frá Finnlandi – Judging/breeding
Kl.21:00 Kolbrún Arna Sigurðardóttir – Dýrahjúkrun
Kl.21.30 Sigurður Ben Björnsson – Veiðipróf
Kl.22.00 Húsið lokar
