Vorsteh.is

ISFtCh Esjugrundar Spyrna

Kaldaprófið verður haldið helgina 13-15 apríl í Eyjafirði. Á föstudegi og laugardegi verður prófað í UF og OF en á sunnudeginum verður KF. Það verða tveir erlendir dómarar Glenn Olsen og Cato Jonassen (kynning kemur von bráðar)  prófstjóri er Kristinn Ingi Valsson. Í álíka stóru og umsvifamiklu prófi sem Kaldaprófið er þá þarf að vera yfir aðstoðarprófstjóri sem er eins og í fyrra Hrafn Jóhannesson.

Kaldaprófið er orðið að margra mati skemmtilegasta próf vetrarins þar sem alltaf hefur verið mikið af fugli og skemmtileg stemmning á meðal manna og hunda. Eins og undanfarin ár þá verður farið í heimsókn í Bruggsmiðjuna og mönnum gefin næring í fljótandi formi. Karra Kalda Cup heldur svo áfram en það var Hrímþoku Sally Vanity sem vann Karran eftirsótta í fyrra.

Búið er að taka frá þá bústaði sem voru í boði, sem þýðir að það eru laus pláss fyrir 10-12 manns. Kostnaði við gistingu verður haldið í algjöru lágmarki eða um 8-12.000 kr pr/man fyrir 3 nætur og topp aðstöðu. Skráning þarf að gerast sem allra fyrst og verður frestur gefin til miðvikudagsins 7.mars. Ef mikil eftirspurn verður í gistinguna þá verður stuðst við ”fyrstur kemur fyrstur fær”.  Skráning berist prófstjóra á kvalsson@hotmail.com. Þeir sem skrá verður gefin upp endanlegur kostnaður að frestinum loknum og beðnir um að borga, eða þá geta menn bakkað út. Gistingin fæst ekki endurgreidd, nema að einhver komi og fylli í skarðið. Þessi stutti frestur er að ósk Sportferða og prófstjóra. Við vonumst við til að menn séu búnir að læra það að það þarf ekki að vera hræddur og bíða fram á síðustu stundu að skrá sig í Kaldaprófið, því það er alltaf allt frábært fyrir norðan!

Eins og undanafarin ár þá gilda ákveðnar reglur um hunda á svæðinu sem verðurað fara eftir. Hundarnir mega aldrei vera lausir, hvorki úti, né inni í húsunum.

Við öll húsin er heitur pottur og grill, fyrir utan alla aðra hefbundna sumarbústaðaaðstöðu að sjálfsögðu. Þeir sem hafa áhuga á að taka þátt í þessu skemmtilega prófi sem hefur hingað til boðið uppá þægilegt magn af fugli og fjölda skemmtilegra atvika mega gjarnan senda tölvupóst á prófstjóra prófsins á kvalsson@hotmail.com eða í síma 8479039 nema að ef menn ætla að kvarta, þá er það bara tölvupóstur sem gildir.

Koma svo karlar og konur, ungir og eldri, fjölmennum á Ytri Vík og höfum gaman.

Úrslit hunda á alþjóðlegri sýningu HRFÍ í Klettagörðum má sjá á meðfylgjandi myndum.

Besti hundur í snögghærðum Vorsteh: Heiðnabergs Bylur von Greif

Besti hundur í strýhærðum Vorsteh: Stormur

Því miður náðu hvorki Bylur né Stormur sæti í úrslitum í tegundarhópnum.  Vorstehdeild óskar  eigendum og sýnendum til hamingju með flotta árangra

Í dag var alþjóðleg hundasýning HRFÍ í dag.  Helstu úrslit eru meðfylgjandi en frekari úrslit og myndir koma síðar.  Hvorki snögghærður né strýhærður vorsteh náðu sætum í tegundarhópnum.

Bestu hundar tegundar í snögghærðum og strýhærðum Vorstehhundum á sýningunni um helgina hljóta glæsilega verðlaunabikara og fóður frá Belcando (Vetis) styrktaraðila Vorstehdeildar.  Sjá nánar um Belcando á  www.vet.is

Einnig verða í þriðja skipti veittir Berettubikararnir fyrir bestu snögghærðu tíkina og hundinn sem hafa veiðiprófsárangur. Bikararnir eru farandbikarar og voru gefnir til minningar um ISCh. C.I.B. ISFtCh Gæfu Berettu.

Berettubikararnir

Vorstehhundar verða sýndir á morgun laugardag á alþjóðlegu sýningu HRFÍ skv. eftirfarandi:
Snögghærður Vorsteh kl. 10:56 (9 hundar)
Strýhærður Vorsteh kl. 12:20 (3 hundar)
Dómari Marja Talvitie frá Finnlandi

Hvetjum alla áhugasama um tegundina til að mæta og kynna sér hundana

Vorstehdeild óskar öllum sýnendum góðs gengis á sýningunni og birtir úrslit eins fljótt og auðið er

ATH. NÝTT SÝNINGARSVÆÐI að Klettagörðum 6 (Sundahöfn) Sjá nánar á www.hrfi.is

Högdalia's Ymir BOS og QLM Rugdelias Lucienne BOB og TH-1 á síðustu sýningu HRFÍ

Deildin þarf að útvega nokkra aðila um helgina til að aðstoða á sýningunni í nýja húsnæðinu að Klettagörðum bæði laugardag og sunnudag 1-3 klst. hver aðili. Einnig vantar aðila til að taka niður sýninguna á sunnudag.
Öll aðstoð vel þegin.
Vinsamlegast hafið samband við formann deildarinnar Gunnar í s:893-3123

Úrslit úr veiðiprófinu sem haldið var s.l. laugardag eru eftirfarandi:

Heiðnabergs Bylur von Greif – snögghærður Vorsteh: 2. einkunn í unghundaflokki

Vatnsenda Kara – Pointer: 2. einkunn í unghundaflokki og besti hundur prófs

Aðrir fengu ekki einkunn.  Nánari upplýsingar má sjá á www.fuglahundadeild.is og eru umsagnir komnar í gagnagrunninn

Til hamingju einkunnahafar með flottan árangur.

f.v. Rafnkell, Lárus, Gunnar, Kristjón, Díana, Pétur, Steinar Dúi og Jón Garðar

Það var hraustur hópur Vorstehfólks sem mætti og aðstoðaði við uppsetningu sýningarinnar sem haldin verður næstu helgi í Korngörðum 6.

Óskum eftir aðstoð fyrir sýningu núna á sunnudag kl 15:00 og er mæting niðrí Klettagarða

Einnig óskum við eftir aðstoð á laugardag og sunnudag (sýningahelgina)

Við fengum beiðni í gærkveldi og er þetta stuttur fyrirvari en þeir sem geta hjálpað okkur sendi Gunnari tölvupóst á gunnarpr@mitt.is eða bjallið s:893-3123

Endilega reynið eins og þið getið að hjálpa okkur.

Fyrirfram þakkir fyrir veitta aðstoð

Kveðja Vorstehdeild

Laguardaginn 18. febrúar verður fyrsta opna hús ársins í Sólheimakoti. Klukkan 09:00 verður sett veiðipróf sem dæmt verður af Svafari Ragnarssyni.
Prófstjóri er Egill Bergmann s:898-8621

Þátttakendur eru:
Unghundaflokkur:
Gagganjunis Von – írskur seti
Heiðnabergs Bylur von Greif – vorsteh snögghærður
Heiðnabergs Gleipnir von Greif – vorsteh snögghærður
Huldu Bell von Trubon (Frida)- Weimaraner
Snjófjalla Hroki – enskur seti
Vatnsenda Kara – pointer
Opinn flokkur fellur niður.
Boðið verður upp á kaffi og meðlæti og eftir að þátttakendur prófs fara frá kotinu verður spjallað um þjálfun og tengt efni og síðan farið út að þjálfa.
Allir velkomnir og þá sérstaklega nýliðar.